مجرد فضفضة :أمريكا تجهد نفسها لإصلاح الآخرين!

قرأت كتاب "تاكسي حواديت المشاوير" للكاتب خالد الخميسي ذلك الكتاب الذي يوضح بشفافية ثقافة الشارع المصري واطلاعه على السياسة المحلية والعالمية والربط فيما بينهما بصورة عفوية حتى وإن تعمق الوضع ناهيك عن الاطلاع التام للوضع الاقتصادي المحلي وكيفية التغلب على صعوبات العيش ..

اقتطعت لكم إحدى تلك الحواديت وأثق بأن تلك الأفكار قد مرت بالجميع ولكن من فينا يجرؤ؟

---------------------

يعني حضرتك في انهي كلية؟
الكاتب: اقتصاد وعلوم سياسية
السائق: يعني حضرتك درست سياسة؟
الكاتب: أيوه
السائق: طب عال فرصة عظيمة قوي علشان انا من زمان كان عندي سؤال نفسي أسأله
الكاتب: وإيه هو السؤال احتمال أقدر اجاوب؟
السائق: يحصل ايه ان احنا نيجي ونقول لأمريكا إنتي عندك سلاح نووي وعندك أسلحة دمار شامل ولو ماتخلصتيش من كل الأسلحة دي ح نقطع علاقتنا بيكي وح نعلن كمان الحرب عليك..وح نضطر نستخدم القوة العسكرية عشان نحمي كوبا ودي دولة صغيرة ..ولازم نخلي بالنا عليها.
طبعا الكلام ده كده وكده ..فنعمل موقف في العالم والعلم يضطر يقف معانا زي لما وقف معاهم لما قالوا نفس الكلام على العراق ..وزي لما بيقولوا دي الوقتي على إيران..أنا مش بقول إن إحنا نحاربهم ..طبعا انت أكيد فاهمني ..إنما نقول نفس الكلام اللي هما بيقولوه بالظبط على دول العالم ..يعني مثلا نطلب نراقب الانتخابات الأمريكية عشان إحنا مش ضامنين سلامة إجراءات الانتخابات بتاعتهم ، ونطلب يبقى فيه مراقبة دولية على صناديق الانتخاب وبعدين ح يبقى عندنا حق في الكلام ده..ماكل الناس في أمريكا وفي العالم اتكلموا إن فيه تزوير في انتخابات بوش وإن أخوه في الولاية بتاعته زور الانتخابات وكسّبه ..فإحنا نقول إننا لازم ندافع عن الديمقراطية ولازم نبعت من عندنا قضاة مصريين عشان سلامة العملية الديمقراطية.
انت عارف لوعملنا كده ح نخليهم يفهموا همه بيعملوا ايه في الناس وح نخّرج النار اللي في صدورنا دي ..زي بالضبط لما يبقى عندك كارثة ومالهاش حل فتبعبع مع اي واحدتلاقي نفسك هديت والكارثة فاضلة فاضلة وممكن برضه نرفع قضية على أمريكا إنها بتدعم الارهاب الدولي وبتقف مع الدول اللي مش ديمقراطية ونجيب أدلة. وحضرتك عارف سهل قوي تجيب أدلة بالذات في الموضوع ده .وبعدين لما تعمل حركة زي دي ..تبقى انت مع الديمقراطية وضد الارهاب وتلاقي شوية بلاد وقفت معاك ضد امريكا.وممكن كمان نطالب بفرض عقوات اقتصادية ضد امريكا لو مالتزمتش بالكلام ده..يعني ناخد الكلام اللي رايس بتقوله (كونداليسا رايس) كل يوم في وش كل دول العالم الغالبان ونقولوا ليهم هو هو في وشهم.وأهم حاجة اننا كلنا نلغي كلمة الأمريكان ، ونقول أبيض بروتستانتي أيرلندي من أمريكا ،أسود مسلم من أمريكا، أسباني من أمريكا ، أبيض كاثوليكي من أمريكا،أسود بروتستانتي من امريكا
زي بالضبط ماهما بيقولوا الأيام دي مات ستة شيعة من العراق واتنين سنة من العراق وولاد الكـلـ* بتوع الجرايد بتوعنا بيكرروا نفس الكلام ، طبعا لازم نطالب بعلو صوتنا إننا ندافع عن حقوق السود في أمريكا ونرفع قضايا لو واحد ابيض إسكتلندي من أمريكا قتل واحد أفريقي أسود من أمريكا طبعا لازم نقلب الدنيا على الأقل ده أفريقي زينا، يعني العلاقة بيننا وبينه أكبر بكثير من علاقة أبيض طلياني بحسنة في خده من أمريكا بواحد قبطي من مصر ، يعني حماية حقوق الأقلية السوداء هناك ده دورنا ولازم نتدخل في كل صغيرة وكبيرةأنا عارف أن أنا عمال أزيد وأعيد مستني إنك ترد علي وأنت ساكت مابتردش

الكاتب :والله بافكر في كلامك.

السائق: أصل أنا مشغل الراديو طول النهار وكل يوم عمال يتسمم بدني بكلام الامريكان حاجة تخللي الواحد يخرج عن شعوره ..الكلام ده خطير جدا لان الناس ح تنفجر قريب ، احنا بنأكلكم احنا بشخخكم اعملوا كده ماتعملوش كده ح نفرقع قريب خلاص ..فجتلي الفكرة دي ان احنا نعمل فيهم زي ماهمه بيعملوا فيناواللي بيته من قزاز مايحدفش الناس بالطوب ودول بيتهم من قزاز مشرخ ضارب فيه السرطان .

الكاتب: طب ماتبعت الاقتراح دهالسائق: ياعم انا ببعبع بس طق حنك يعني هما مستعدين ان الامريكان يعملوا فينا اي حاجةهو الاقتراح اللي ممكن يعجبهم ان الامريكان يحطوا كاميرا في كل بيت مصري عشان يراقبوا الانفجار السكاني!

* أحثكم على قراءته فهو كتاب ممتع يجبرك على الضحك من أعماقك ،علما أنه مكتوب باللهجة المصرية المفهومة.